Mohanprabu (மோகன் பிரபு)

PAATAL LOK – SEASON 01 – EPISODES 09 – பாதாள உலகம்

தனக்கான வாய்ப்புக்காக  காத்திருந்து அதில் தனது முழுத்திறனையும் செலுத்தி வெற்றிபெறுபவர்  குறைந்த சதவிகிதத்தில் உள்ள ஒரு வகையினர். தனக்கு கிடைத்த பணி அல்லது தனது வருமானத்திலேயே திருப்தி அடைந்து, வேறு எந்த புதிய முயற்சியும் இல்லாமல் அதிலேயே காலம் தள்ளும் அதிக சதவிகிதத்தில் உள்ளோர். நாம் திரைப்படங்களில் அதிகம் பார்ப்பது இந்த குறைந்த சதவிகித பாத்திரங்களையே. காரணம் அவர்கள் வெற்றிபெற சந்தித்த சவால்கள். அதை எவ்வாறு எதிர்கொண்டு அவர்கள் வெற்றி பெற்றார்கள் போன்ற அதிக சூவாரசிய பக்கங்கள் இருப்பதால் இருக்கலாம்.

இங்கு அதிகம் பேசப்படாத, நம்மில் பெரும்பான்மை சதவிகிதத்தினர், அதாவது தனக்கான எந்த வருங்கால திட்டங்களும் இல்லாமல். தன் பணியில் எந்த புதிய வழிமுறைகளையும் சோதிக்காமல். மற்றவர்களுக்கு மட்டும் உபதேசங்கள் செய்தபடியே தனக்கு விதிக்கப்பட்டது இதுமட்டுமே என்ற வகையை சார்ந்தவரே இந்த கதையின் மூலபாத்திரம்.

குடும்ப பஞ்சாயத்துக்களே அதிகம் நடைபெறும் பொருளாதார ரீதியில் மிகவும் பின்தங்கிய மக்கள் வாழும் எல்லைக்கு உட்பட்ட காவல் நிலையத்தில் பணிபுரியம் அதிகாரி இவர். ஒரு கொலைக்கு திட்டமிட்டு அதை செயல்படுத்த செல்லும் நால்வரை வழியிலேயே மடக்கி CBI அதிகாரிகள் கைது செய்கின்றனர். அப்பகுதி இவரின் எல்லைக்கு உட்பட்டு வருவதால். இவரே நேரடியாக சென்று அவர்களை காவல் நிலையம் அழைத்து வருகிறார்.

இவரின் கீழ் பணியில் சேர்ந்து இன்று இவருக்கு உயர்அதிகாரியாக இருப்பவரே, இவருக்கு பதில் வேறு அதிகாரிகளை பரிந்துரைக்க. அதற்கான அவகாசம் இல்லாததால் இவரே இந்த வழக்கை எடுத்துகொள்ள CBI நிர்பந்திக்கிறது. முதல் எபிசோடின் கால்பகுதிகளிலே இந்த வழக்கு இவரின் கைக்கு வந்துவிடுகிறது.

வெறும் கொலை முயற்சியாக இல்லாமல் இவ்வழக்கு இவரின் மொத்த திறனையும் வெளிக்கொண்டு வந்தாலும் அனைத்து பக்கங்களும் பெரும் மர்மங்கள் மட்டுமே நிறைந்தது என தெரியாமல், இவர் பாணியில் முதல் கட்ட விசாரணையை துவக்குகிறார். ஆங்காங்கே இவரால் யூகிக்கமுடிந்த வழிகள் அனைத்தும் அடைக்கப்பட்டு இருக்க. இதில் தொடர்புடைய ஒருவனும் தப்பித்து விடுகிறான்.

அவனின் பிணத்தை கைப்பற்றிய பின்னே இவ்வழக்கின் கணமும். அதன் மர்மபின்னணி குறித்தும் முதல்முறை லேசாக உணர துவங்குகிறார். தனக்கு கீழ் பணிபுரிந்து. இன்று அவருக்கு உயரதிகாரியாக உள்ளவர்க்கு இவரின் மேல் உள்ள அலட்சிய மனோபாவம். தற்பொழுது இவரிடம் பயிற்சி அதிகாரியாக இருப்பவர் சர்வீஸ் கமிஷன் தேர்வில் வெற்றிபெற்று. பணி நியமனத்திற்க்கு  காத்திருக்கிறார். இதுபோக இவரின் மகன் மற்றும் இவரின் மனைவியிடமும் சமூகஉறவு இல்லாத இந்த சூழலில். தற்போது தனக்கு ஒரே பிடிமானமாக உள்ள இந்த வழக்கில் எப்படியும் வென்றே தீரவேண்டிய சூழல்.

இது இந்த சீரீஸ்ன் முழுகதையல்ல கிட்டத்தட்ட இதுதான் இந்தகதையின் துவக்கம். இரண்டாம் எபிசோடிலே இந்த கதை சூடுபிடிக்க துவங்கிடும். மேலே குறிப்பிட்ட பாத்திரங்களின் நடவடிக்கைகளும். கைதுசெய்யபட்ட அந்த நால்வரின் தனித்தனி முன்கதைகளும். அதை கண்டுபிடிக்க இந்த அதிகாரியின் முயற்சிகளும். அதால் இவர் சந்திக்கும் சவால்கள் என இதன் எந்த பாகமும் நாம் பாதியில் நிறுத்தி பின் தொடரலாம் என்ற உணர்வை இதன் இறுதிவரை தராது.

நடிகை அனுஷ்கா ஷர்மாவோட தயாரிப்பு. மும்பை மகாராஷ்டிரா சுத்தி கிட்டத்தட்ட 100+ நகரங்கள்ல படபிடிப்பு நடத்திருக்காங்க. அதை நம்ம ஸ்க்ரீன்ல பாக்கும்போதே. அமேசான் ப்ரைம்ல காண கிடைக்கிறது.

நகைச்சுவை படங்களை போலவே இந்த காதல் கதைகளை மையமாக கொண்ட கதைகளிலும் பெரும் சிக்கல், அவை வேறு படங்களையோ, அல்லது ஏதேனும் மற்ற படங்களின் ஒரு காட்சிகளையோ நினைவுபடுத்தாமல் இருப்பது. அதும் சமீபமாக பெரும்பாலோர் தமிழ் படங்களை தாண்டி மற்ற மொழி படங்களை பார்க்கும் இந்த காலகட்டத்தில் வேறு எந்த படங்களின் சாயல் இல்லாத முழு நீள காதல் படங்கள் பார்க்கும் வாய்ப்பு வெகுவாக குறைவு.

இப்படியான எந்த சிக்கல் திணறல் இல்லாத காட்சி அமைப்பு மற்றும் விறுவிறுப்பான திரைக்கதையில். வேறு எந்த படங்களின் சாயல் துளியும் இல்லாத  ஆனால் வழக்கமான கதைகளத்தில் மீண்டும் கேரளத்தில் இருந்து ஒரு நல்ல சினிமா.

அதே பார்க்காமலே தொலைபேசியில் காதல். அதே ஒருவர் மற்றொருவரின் தோற்றம் பற்றிய சிந்தனை. சதா அவர்களின் நினைவில் மிதப்பது. அதே நீங்கள் எப்படி இருந்தாலும் உங்களை கைவிடுவதில்லை போன்ற வசனங்கள். அதே இறுதியாக சந்திப்பு. எல்லாமும் அதே. ஆனால் எங்கிருந்து வந்தது இந்த ஈர்ப்பு, ஒரு வசீகரம் இந்த படத்தின்மேல்.

“ANNA BEN” அதே கும்பளாங்கி நைட்ஸ் சுருட்ட தலைச்சி. இதில் முதன்மையான பாத்திரத்தில் வரும் மற்ற இருவருக்கும் கூட சற்று சிந்தித்தால் மாற்று நடிகர்கள் தோன்றலாம். ஆனால் Annaவுக்கு மாற்றாக நாம் வேறு எவரையும் சிந்திக்கவே தற்போது வரை முடியாததே, அவருக்கு கிடைத்த முதல் வெற்றி.

அடுத்து துணை பாத்திரங்கள் ஒரு கதையை உண்மைத்தன்மை பெற எத்தனை முக்கியம் என்பது. குறிப்பாக Annaவின் குடும்பம் மற்றும் அவரது தோழி. இவரை பெண் பார்க்க மாப்பிளை வீட்டார் வரும் வேளையில். அவரது அம்மா சமையல்கட்டில் மும்மரமாக இருக்க. அவரின் அப்பா பாத்திரம் மனைவியிடம் இடுப்பில் இழுத்து சொறுகிருக்கும் நைட்டியை -இறக்கிவிட சொல்லும் காட்சி.

அவன் ஒரு ஆட்டோ ஓட்டுனர். ஒருமுறை இவளிடம் பேசியவாறே மருத்துவமனையில் இறங்கும் பெண்மணியிடம் பணம் வேறு ஒரு சமயம் வாங்கி கொள்வதாக சொன்னதும், இவளது முகத்தில் சட்டென தோன்றி மறையும் பிரகாசம். தான் ஒரு நல்லவனைதான் தேர்ந்தெடுத்து இருப்பதாக ஒரு பெருமையும் அதனுள் இருக்கும் இவை சில சில வினாடிகள் வந்து செல்லும் காட்சிகள்தான். ஆனால் படம் நெடுக இப்படியான காட்சிகள்தான் நம்மை படத்தின் ஊடே பயணப்பட வைப்பது.

அவனின் சகோதரிகளிடம் பேசியபின்பே முதல் முறையாக அவளே அவனுக்கு கால் செய்வது. அதன்பின்னே அவனை நேரில் பார்க்க விரும்புவதாகவும் சொல்வது. அவர்கள் வீட்டிலிருந்து டவுனுக்கு செல்லும் பாதையை வெறும் அழகுக்காக வெவ்வேறு இடங்களை பயன்படுத்தாமல், அந்த ஒரு வழியே காட்சிபடுத்தி இருப்பது. இப்படியான கவனசிதறலை கூடுமானவரை தவிர்த்து இருப்பதும் இந்த கதையின் மீதான சூவாரசியத்திற்க்கு காரணம்.

குறிப்பாக ஆரம்ப காட்சிகளில் கடற்கரையை பற்றிய வசனம் ஒன்றும், கிட்டத்தட்ட படத்தின் பாதிக்குமேல் ஒரு இடத்திலும் வரும். யாரும் எதிர்பாரா இறுதியில் அதை ANNA கேட்கும்காட்சி அதுவரை நம்மையும் அழுத்தியிருந்த அந்த பாரம் குறைந்து சகஜநிலைக்கு அவளுடனே செல்வோம். நெட்டிவிட்டி அழகாக்குவது துணை பாத்திரங்களுடே லோகேஷ்ன்ஸ். .

JIMSHI KHALID இவர்தான் மாயநதி, அனுராக கரிக்கின் வெள்ளம் படங்கள் பண்ணவர். இந்த கதையை சூவாரசியமா நம்மள பாக்கவெச்சதுல ரொம்ப முக்கிய பங்கு இவருது. அதும் படத்தோட முடிவுல கடைசி ஷாட். படத்தில் அதே இடம் இதற்க்கு முன் சிலமுறை வரும். ஆனால் இறுதியாக அந்த இடத்தோட பிரமாண்டத்தை ரொம்ப எளிமையா ஒரு கவிதைமாறி காட்சிபடுத்தி இருப்பார். அதான் இந்த படத்தோட கதையும் கூட.

படம் வெறும் காதல் மட்டுமில்லாம இரண்டாம் பாதி முழுக்க நம்ம -இதயதுடிப்ப எகிறவெச்சிடும். NETFLIXல் காணகிடைக்கிறது.